கம்மல் கவிதைகள்

பல முறை தூக்கில் இட்டும் உல்லாசமாய் ஆடித்திரிகிறது உந்தன் காதோர கம்மல்!

மெல்ல நெற்றிமுட்டி கன்னம் இழைத்து, என் காதோர ஜிமிக்கியை அசைத்துவிட்டுச் செல்லும் இந்த காற்றுக்கு உன் சாயலன்றி வேறென்ன சொல்ல!

கைபேசியைக் காதோரம் வைத்துப் பேசாதே பெண்ணே! உன்னை விட உன் ஜிமிக்கி என்னோடு அதிகம் பேசுகிறது!

உன் காதோரம் தொங்கும் ஜிமிக்கியை கண்டு பொறாமை கொண்டேன்! நான்‌ கொஞ்சி விளையாடும் கன்னங்களில், உன் ஜிமிக்கி கொஞ்சி விளையாடுகிறதே என்று!

செல்லச் சண்டைகளின் போதெல்லாம் ஜிமிக்கி அணிந்து கொள்கிறேன்! வாவென்று உன்னை சமிக்ஞையில் அழைக்க!

காதில் இருக்கும் கம்மல் தன் பேச்சுக்கு தாளம் போடும் படி, தலையை ஆட்டி ஆட்டி பேசும் போது, அவள் பேரழகி தான்!

ஏ! நீ அழகாக ஆடுற! என்று கூறியதும், வெட்கத்தில் உறைந்தன அவள் ஜிமிக்கிகள்!

நான் சோர்ந்து தான் போகிறேன், அவள் தலையை அசைத்து பேசும்போதெல்லாம்! - இப்படிக்கு, ஜிமிக்கி!

காதோடு கதைகள் பல பேசியே காதல் கொண்ட கம்மலிடம் முகத்தைத் திருப்பிக் கொண்டது கார்மேகக் கூந்தல்!

காற்றில் கலையும் கார் கேசத்துடன் காதோரம் ஆடும் கம்மலும் கதை பேசுதே...

அங்கும் இங்கும் தூரி ஆடிடும் அவளின் ஜிமிக்கியை நோக்கியே என் கண்கள் அலைபாயுதே!

உன் காதோடு கம்மலாய் மாட்டிக் கொண்டது என் இளமை!

அவளின் குறும்புத் தனத்திற்கு ஏற்றபடி ஜால்ரா தட்டுகிறது ஜிமிக்கி கம்மல்கள்!

எப்பொழுது பயிற்சி வகுப்புகள் நடக்கும் என்று எனக்கு தெரியவில்லை... நீ எப்போது தலையசைத்தாலும் வந்து நடனத்தை அரங்கேற்றம் செய்கின்றன - உன் ஜிமிக்கி கம்மல் ஒவ்வொன்றும்!

கம்மலும் கண்ணாடி பார்க்க ஆசைப்பட்டு, அவள் கன்னத்தை உரசியே தேய்கிறது!

கம்மல் Kavithaigal

துவங்கும் முன் முடியும் உன் கண் சினுங்கலுக்கும், துவங்கி முடியாமலே நீளும் உன் காது ஜிமிக்கியின் ஆடலுக்கும் நான் ஆயுள் அடிமயடி!